Ir ao contido da páxina
Rutas

Embárcate nunha viaxe sensorial e única no corazón de Galicia a través dos itinerarios enoturísticos das IXP de viños de Galicia. Nas terras de Betanzos, Barbanza e Iria, Ribeiras do Morrazo, Val do Miño e Terras do Navia descubrirás a esencia galega a través dunha ruta enoturística que cativa todos os sentidos.

Terra de Betanzos

Viños da Biosfera con Historia e Arraigo

Imaxina camiñar entre os viñedos baixo o cálido sol atlántico na IXP Viño da Terra de Betanzos, un lugar onde a tradición se entrelaza coa innovación e a terra mesma se converte nun conto despregado en cada sorbo. Descubrirás o encanto e a beleza da Reserva da Biosfera “Mariñas Coruñesas e Terras do Mandeo”, un total de 116.724 hectáreas entre ríos, cantís e montañas.

Terra de Barbanza e Iria

Viños que Fan Paisaxe

Na coñecerás a maxia dos viños nesta zona costeira, influenciados pola brisa mariña que acaricia as uvas. Aquí, cada copa reflexa a conexión única entre o mar e a vide. Un patrimonio histórico nunha comarca na que as paisaxes rurais e marítimas están fusionadas pola historia, o turismo azul e unha enogastronomía de excelencia.

Ribeiras do Morrazo

A Ruta dos Viños Oceánicos

Continúa polas terras da IXP Ribeiras do Morrazo e serás testemuña da mestría enolóxica que florece entre paisaxes de soño e viñedos que se asoman ás augas do Atlántico. Os viños desta zona encapsulan a paixón pola viticultura e a riqueza da terra que os nutre. Nesta viaxe gozarás, ademais, dos sabores máis auténticos da gastronomía local e dos produtos frescos da costa.

Val do Miño-Ourense

Viños con Esencia de Río

Viaxa ao corazón da IXP Viño da Terra Val do Miño Ourense, onde as uvas atópanse no seu fogar nas ladeiras que bordean o río Miño. Experimenta a autenticidade dos viños que reflexan a diversidade deste terruño único e desfruta da contorna de beleza natural e o esplendor do patrimonio histórico.

Terras do Navia

Viños entre Montañas con Raíces Artesanais

Mergúllate na beleza da IXP Terras do Navia, onde os viñedos se estenden por outeiros verdes que contan a historia de xeracións dedicadas á viticultura. Aquí, cada viño é unha expresión auténtica da terra e da paixón que a sustenta. Un lugar no que conectar coa natureza, respirar tranquilidade e gozar dunha proposta enogastronómica a través da rede de micropaisaxes do Xeodestino Ancares Terras de Burón.

Recursos enoturísticos

Ver máis