Nas montañas do extremo leste de Galicia, onde o río Navia debuxa ladeiras imposibles, atópase un dos proxectos máis recentes dos Viños das IXP de Galicia: a IXP Terras do Navia. Esta zona, que abrangue Negueira de Muñiz, Navia de Suarna e A Fonsagrada, vive un período de crecemento que vai moito máis alá das súas 25 hectáreas de viñedo.

A VIII edición do Concurso Nacional de Viños VinEspaña 2026 deixou un resultado destacado para os viños amparados baixo as Indicacións Xeográficas Protexidas dos Viños de Galicia. Cinco referencias procedentes de catro adegas acadaron a Medalla de Ouro na categoría de Viños Tranquilos, un feito que reforza o papel das pequenas adegas e pon en valor o seu traballo constante.