O Parador de Ribadeo converteuse o pasado 15 de decembro no epicentro da promoción dos viños da Indicación Xeográfica Protexida (IXP) Terras do Navia, no evento "Nado no Navia, Loce na Mariña". A xornada, que reuniu ao sector da gastronomía, a restauración e ao público xeral, tivo como obxectivo reforzar o achegamento destes viños ao seu mercado natural, A Mariña. Ademais de ser un espazo de degustación próxima e directa dos viños amparados neste distintivo de calidade, o encontro serviu como plataforma para un debate crucial sobre a necesidade de fomentar o consumo local e a preservación da actividade agraria.

A proposta chega nun momento no que a Deputación de Lugo e as IXP de Viños de Galicia están a traballar conxuntamente para reforzar a implantación territorial das Indicacións Xeográficas e consolidar o consumo de produtos de proximidade. Nado no Navia, loce na Mariña! enmárcase precisamente nesta estratexia, na que agricultura, paisaxe, turismo e cultura gastronómica preséntanse como elementos inseparables do territorio lucense.